Mäin Num ass Alexandra Ley an ech sënn 19 Joar.

Vu kleenem u wunnen ech zu Maacher wou ech an d'Primärschoul gaange sinn an déi éischt Joare Lycée gemaach hunn.
Dono sënn ech an de ,,Lycée de Garçons'' gewiesselt an hunn do mein Première op der Section D, ,,Sciences Economiques et Mathématiques'' erfollegräich ofgeschloss .

Am Januar fänken ech an der Schwäiz mein Hotelmangementstudium un.
Wann ech net op de Wäifester ënnerwee sënn oder léiere, sënn ech am Swimming Letzebuerg activ. Ech lafe gären en Tour dorech d’Wéngerten, ginn oft op Concerten a reese leidenschaftlech gär.

Während meim Joar als Wäikinnigin ginn ech vu meine 4 Prinzessinnen Anne Haas, Lynn Mantz, Claire Sertznig an Renée Thommes op meinen Optrëtter begleet.

Mein Komplimenter gi besonnesch un de Comité des Fêtes fir déi vill Aarbecht déi séi sech iwwer d’ganz Joar maachen an mir freeën iis mat hinnen op een erfollegräicht Maacher Drauwen-a Wäifest.

Ech sënn houfreg op mein Charge als 61. Wäikinnigin an ech probéiere mat meine Prinzessinnen de Letzeborger Wäin an d`Musel esou goud wéi méiglech ze vertrieden.